Muallif va tarjimon: Allaqulova Gulshoda

Odinaxon Muhammad Sodiq

Doktor Mustafo Abu Sulaymon an-Nadviy an-Naqshbandiy hafizahullohning "Ro'za oyining  azamatini da'vatchilarga va avom xalqqa eslatish" kitobi asosida suhbatlar (39-majlis).

Qachon berilishi kerak?
Fitr sadaqasini Ramazon hayiti kuni tong otgandan boshlab hayit namoziga chiqishdan oldingi vaqtga qadar berish vojib hisoblanadi. Ramazonning avvalidan berilsa ham bo'ladi...
Kimlar berishi kerak?
Musulmon erkagu ayol, balog'atga yetgan-yetmagan, xoh oqil, xoh majnun bo'lsin, nisob egasi bo'lsalar, zimmalariga fitr sadaqasini berish vojib bo'ladi. O'zida pul yo'qlarning nomidan
ularga nafaqa berish lozim bo'lgan shaxslar beradi...
Odinaxon Muhammad Sodiq

Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.

Misrning mashhur mufassirlaridan Umar Abdulkafiy hafizahulloh aytadilar:

"Ramazonning oxirgi kunida, so'nggi soatlarida, ya'ni asr namozidan shom namozigacha bo'lgan vaqtda Alloh taolo butun Ramazon oyi davomida jahannamdan qancha insonlarni ozod qilgan bo'lsa, yana shunchasiga do'zaxdan omonlik beradi! U yana shunday fursatki, unda qilingan duo ijobatsiz qolmaydi. Bu fursatni g'animat bilib, Robbiga duo qilganlar va Undan mag'firat so'raganlarga ofiyatlar bo'lsin!".

Subhanalloh! Demak, Robbimizning bandalariga saxovati, marhamati yanada ziyoda bo'lar ekan-da!

Allohim! O'zimiz, ota-onamiz, ustozlarimiz, ahllarimiz, farzandlarimiz, qarindoshlarimiz, zimmamizda fazli, yaxshiligi bor har bir insonga, ularning orasida taqdiriga do'zaxiy deb
yozilganlar bo'lsa, ushbu kunning barakotidan barchalarini jannatiy bandalaring qatoriga qo'shgin, biz jahannamga aslo bardosh qila olmaymiz!

Odinaxon Muhammad Sodiq

Ro'za, zakot va umra ibodatlariga oid savol-javoblar

Odinaxon Muhammad Sodiq

Hazratni xotirlab ko'rsatuvining Ramazon oyi uchun mahsus

Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.

Endi, savol: nega Rasululloh sollallohu alayhi vasallam «muborak Ramazon oyi kelsa va unga yetishish nasib qilsa», degan umid bilan uni mushtoq bo'lib kutyaptilar? Sababi, Alloh taolo
Ramazonni O'zining oyi qilgan. Biz narsa-hodisalarning zohirinigina ko'ramiz (asliyatidan bexabarmiz).

Ramazon xususida bilgan-o'ylaganlarimiz ham zohiriydir. Uni faqat ro'za oyi deb bilamiz. Unda kunduzi yeb-ichilmaydi, kechasi tarovehlar o'qiladi, deb bilamiz. Bo'ldi, shu xolos. Bu
gaplar ham to'g'ri, lekin shuning o'zi bilan ish tugamaydi. Balki, ro'za bo'lsin, tarovehlar bo'lsin yoki muborak Ramazonning boshqa bir ibodati bo'lsin barcha-barchasi boshqa bir ulkan narsaning alomatidir. U ham bo'lsa, Alloh taolo bu oyni O'zining oyi qilganidir. Odamlar o'n bir oy mol-dunyoning yugur-yugurlari ila mashg'ul bo'ladilar va Allohdan uzoqlashadilar, dunyo
ishlariga o'ralashib qoladilar, g'aflatga mubtalo bo'ladilar. Shunday bir paytda Alloh bizga bir oygina Ilohiy dargohga yaqin bo'lishi, g'uboru dog'lardan hayotini, borlig'ini, qalbini
poklab olishi uchun barakotlarga burkangan oyni - O'zining oyini ato etadi. Rabbimizdan juda uzoqlashgan, dunyoning yumushlariga o'ralashib qolgan edik. O'yimiz, fikrimiz, xayolimiz,
amalu fe'llarimiz barchasi dunyoning tashvishlari ila band bo'lib, bandalik maqomimiz yo'qolayozgan edi. Ana shunday behuzur bir paytda Olamlar Rabbi bizga saodat oyini ato
etmoqda. Endi, biz bu oy sari oshiqib, shavq ila kutib olmog'imiz, uni bekamu ko'st o'tkazish uchun bor vujudimiz bilan harakat qilmog'imiz lozim. Shundagina bizda Allohga qurbat hosil
bo'ladi. Shu oyda qurbat hosil bo'lmasa, boshqa oylarda juda dushvor. Chunki bu oy Uning oyidir.

Muftiy Muhammad Taqiy Usmoniyning «RAMAZONNI QANDAY O'TKAZAMIZ?» kitobidan.

Men ham olima bo'laman

Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.

"Oila" markazi tadqiqotlari doirasida yana bir xususiyat oilalarning muvaffaqiyatlilik darajasi aniqlandi.

Tadqiqotda Toshkent shahri va viloyatida istiqomat qiluvchi 1 yildan 15 yilgacha turmush qurgan oilalar ishtirok etdilar. Ularga oilaning muvaffaqiyatlilik darajasini aniqlashda
o'z oilalaridagi er-xotin, qaynona-kelin, yaqin qarindoshlar orasidagi shaxslararo munosabatlar, oilaning iqtisodiy ta'minlanganlik darajasi hamda oilada farzandlar
tarbiyasiga nisbatan baholash vazifasi qo'yildi.

Unga ko'ra, 51,6 foizi juftliklar o'z nikohini muvaffaqiyatli deb hisoblashsa, 25,8 foizi birmuncha muvaffaqiyatli, 13,7 foizi muvaffaqiyatsizga yaqinroq va 8,9 foizi muvaffaqiyatsiz deb hisoblamoqdalar.

Bu vaziyat 8,9 foiz oilalarga o'z vaqtida yordam choralari ko'rsatilmasa, ularning oilalari ajrashish ehtimoli yuqoriligini, 13,7 foiz va 25,8 foiz oilalarda muammolar borligini ko'rsatadi.

Bu esa, oila bilan ish olib boruvchi davlat tashkilotlari ogoh bo'lishlarini oilalar bilan ishlashda ajrashishgacha olib boruvchi sabablarni o'z vaqtida aniqlab, birgalikda zarur choralarni ko'rishlarini talab etadi.

Zero, tuzilgan har bir oilaning oila a'zolari tomonidan muvaffaqiyati deb tan olinishi, uning mustahkam va barqaror bo'lishini ta'minlaydi, zamonaviy va namunali oilalar safini yanada ortishiga xizmat qiladi.

oilamarkazi.uz

Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.

Misrning mashhur mufassirlaridan Umar Abdulkafiy hafizahulloh aytadilar:

"Ramazonning oxirgi kunida, so'nggi soatlarida, ya'ni asr namozidan shom namozigacha bo'lgan vaqtda Alloh taolo butun Ramazon oyi davomida jahannamdan qancha insonlarni ozod qilgan bo'lsa, yana shunchasiga do'zaxdan omonlik beradi! U yana shunday fursatki, unda qilingan duo ijobatsiz qolmaydi. Bu fursatni g'animat bilib, Robbiga duo qilganlar va Undan mag'firat so'raganlarga ofiyatlar bo'lsin!".

Subhanalloh! Demak, Robbimizning bandalariga saxovati, marhamati yanada ziyoda bo'lar ekan-da!

Allohim! O'zimiz, ota-onamiz, ustozlarimiz, ahllarimiz, farzandlarimiz, qarindoshlarimiz, zimmamizda fazli, yaxshiligi bor har bir insonga, ularning orasida taqdiriga do'zaxiy deb yozilganlar bo'lsa, ushbu kunning barakotidan barchalarini jannatiy bandalaring qatoriga qo'shgin, biz jahannamga aslo bardosh qila olmaymiz!

Shayx Muhammad Sodiq Muhammad Yusuf rahimahulloh

Odinaxon Muhammad Sodiq

Odinaxon Muhammad Sodiq

Foydali maslahatlar

Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.

Er va xotin o'ttiz yil birga hayot kechirdilar. O'ttiz yillik hayoti davomida ayol har kuni ertalab shirmon non yopar edi. Shirmonning chekka qismi yog'li bo'lganligidan bu erimga
munosibroq, degan fikrda doimo o'rta qismini olib qolib, chekkasini eriga taqdim qilar edi. O'ttiz yil davomida shu odatni tark etmadi. O'ttiz yillik baxtli hayotlarining bir tongida
ayol odatdagidek shirmonning o'rtasidan kesib, ikki qismiga ham sariyog' surtdi-da, nonning yog'li qismini eriga berayotganida birdan o'ylanib qoldi:

“Birga yashaganimga o'ttiz yil bo'ldi. Shu vaqt mobaynida shirmoy nonning men yaxshi ko'radigan sedanali, qizarib pishgan tepa qismini o'zim yeyishni xohlab tursam-da, erimning hurmatidan
istagimdan voz kechdim. Shu kungacha erim uchun namunali ayol bo'ldim, solih farzandlarni tarbiya qildim, qarindoshlarini izzat, do'stlarini hurmat qilib keldim. Vafodor, yaxshi beka
bo'lib, uy-xo'jalik ishlariga qaradim, oilamiz uchun qancha kuch-g'ayrat va sog'lig'imni sarf qildim. Hozir esimga kelmayotgan bo'lsa ham, yana ko'plab yaxshi ishlarni qilganman. Mana endi
shirmoy nonning tepa qismini yeyishga mening ham haqqim bordir”.

Shunday qilib o'ttiz yillik an'anani buzib, shirmoy nonning o'rta qismini eriga uzatdi. O'zining beodobligidan bir oz xijolat ham bo'ldi. Biroq nafs ustun keldi. Ammo
kutilmaganda er quvonib, yuzlari yorishib, ayoliga tabassum hadya qildi va:

– Azizam! Bugun menga qimmatbaho sovg'a taqdim etding. Buni qaragin, men shirmoy nonning o'rta qismini yaxshi ko'rar edim. O'zim yaxshi ko'rgan qismini yemaganimga ham o'ttiz yil bo'libdi.
Bu qismini har tong yeyishni xohlar edim, lekin shirmoy nonning shirin bo'lgan o'rta qismi sening haqqing bo'lganligi va men senga har doim yaxshisini ilinganim uchun buni aytishga,
so'rashga botina olmas edim. Mana bugun ajoyib kun bo'ldi!

Ayol yuzlari qizargancha yerga qaradi. Erining qandoq ham muruvvatga to'la inson ekanini har doimgidan ham ko'proq his qildi. Alloh taolo shunday insonni uning taqdiriga bitib
qo'yganidan butun vujudi shukronaga to'ldi.

Isomiddin Sayfullaev

Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.

Hozirgi paytda turli tillardagi kitoblar o'zimizning ona tilimizga tarjima qilinmoqda. Quyidagi kitobning o'zbek tilidagi tarjimasi bor-yo'qligidan xabardor emasman. Ammo yo'q bo'lsa, tarjima qilinishi tavsiya qilaman.

Ushbu kitob erkak kishining tabiati, fikrlashi va xususiyatlari haqida tushunchalar beradi.

Hozirda oilaviy muammolarimiz ko'payishining asosiy sabablaridan biri ikki jins bir-birining xususiyatlarini bilmasligidir.

Kitobning eng ma'qul jihati, erga bo'lgan munosabat, umuman, erkak-ayol munosabatlaridagi ko'rsatmalar shar'iy o'lchovlarga munosib kelishidir.

Qisqasi, muhtaram ayollar, bu kitobni o'qir ekansiz, turmush o'rtoqlaringizni avaylaydigan bo'lib qolasiz.

Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.

Ey inson! Shuni bilib qo'y. Robbingning duoyingni aynan sen istagandek qabul qilmasligi balki aslida uni qabul qilganligidandir. Umidingni so'ndirma! Yuz yoshida farzandli bo'lgan 
Zakariyo alayhissalomdan, gulxanda yonmagan Ibrohim alayhissalomdan ibrat ol!

Unutma, Alloh azza va jalla ziyonga o'xshab ko'ringan narsadan foyda, foydaga o'xshab ko'ringan narsadan ziyon chiqarishga qodirdir. Shuning uchun har narsaning xayrlisini-foydalisini 
so'rab duo qil.

Istaganingga erishguncha ham, erishgach ham imtihondasan. Salomatlikda, xastalikda, maktabda, uyda, ishda, har yerda sinovdasan. Do'sting, birodaring, o'quvching, mijozing, qo'shning, ishchi 
bilan so'zlashayotganda ham imtihondasan. Masjidga kirib, bir burchakka borib o'tirding, mo'ysafid bir amaki kelib: “O'g'lim, bilmasmiding, qirq yildan beri bu yerda men o'tiraman?!” 
deganda ham sinalyapsan. Mashinada ketayotganda, qaysidir haydovchi qoidani buzib sendan o'zib ketdi, yetmaganiga ro'lini burib oldingga o'tib oldi. Imtihondasan. Do'konni ochding, 
“Bismillah” deyishga og'iz juftlamay, bir miskin kelib: “Assalom alaykum, hormang, birodar”  – deb qoldi. Sadaqa qilasanmi, quruq qo'l bilan qaytarasanmi? Bu ham imtihon. Har yerda, har 
xil vaqtda turli shakl-u shamoyilda sinalasan. Asosiy masala – olovdan eson-omon qutulib chiqib jannatga erisha olishingda.

Zakariyo alayhissalom ushbu imtihonning asl ma'nosini anglagan, boshi berk har ko'chada, adashilgan har manzilda Alloh tomon yo'l topadigan, qalblarga malham bo'luvchi farzand so'rab 
duo qildilar. Alloh u zotga Yahyo alayhisssalomni berdi. Zakariyyo alayhissalom ham o'z o'g'lini Alloh yo'lidagi o'g'il sifatida voyaga yetkazdilar. Yahyo alayhissalom ulg'ayib, faqatgina 
Allohning shariatini tasdiqlashlarini [147] e'lon qildilar. Insonlarning oldida bosh  egmadilar, Alloh harom qilga biror-bir narsaga mayl qilmadilar. Robbiga bergan qullik 
ahdiga sodiq qoldilar. Hayotni namozga emas, namozdagi xushu'ni hayotlariga tatbiq qildilar. 
Bashariy tuzumlarning inson hayotiga olib kirgan barcha qonun-qoidalariga qarshi 
kurashdilar. Sadoqatining nishonasi sifatida bu yo'lda jonlarini fido qildilar.

Yahyo alayhissalom o'z qarashlari orqali butun musulmon yoshlarini “rahbar” bo'lishga, ya'ni insoniyat qurgan tuzumlar asosida boshqariladigan shaxs emas, Allohning nizomiga asoslanib 
insoniyatni boshqaradigan “qul” bo'lishga undadilar. Iffat va izzat ustunlari orasidagi hayotda yashadilar. Qur'onda zikr qilinganidek, “hasur – shahvati tiyilgan” payg'ambar bo'ldilar. Bir yigit shaytonning vasvasasiga qarshi qanday kurasha olishini ko'rsatib berdilar.

--------------------------------

[147] Oli Imron surasi, 39-oyat.

Abdulloh Rahim va Nilufar Allamova tarjimasi
 

Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.

Bu voqea yaqin kunlarda, Ramazon oyi kezlari yuz berdi. Ishdan odatdagidan kechroq qaytar  ekanman, kechgi iftorlikka biron taom hozirlashga ulgurolmasligim gumoni g'olib kela
boshladi. Nima qilsam ekan? Yo'l- yo'lakay do'konga kirib, biron yarim tayyor mahsulot sotib  olib, uyda pishirishni ko'nglimga tugdim. Shu payt do'kondagi muzlatgichda kichik idishlarda
turgan go'jani ko'rib qoldim. Anchadan beri go'ja oshi ichmaganimdanmi, juda uni tanovul  qilgim keldi. Ayni paytda uyda ikki kishigina bo'lganimiz uchun ikkita idishdagi go'jani
sotib olib, uyga shoshildim. Kela solib soatga qaradim, iftor vaqti yaqinlashib qolibdi...
Oshxonada choy-poylarni tayyorlab, dasturxonni tuzagunimcha ko'cha eshikdan qo'shnilar chaqirib qolishdi. Bemorlari bor ekan, ularni ko'rikdan o'tkazib, zarur muolajalarni tayinlagunimcha,
orqasidan yana boshqa bemor kelib qoldi... Ular bilan ovoramanu, ko'nglim oshxonadagi stol ustida turgan go'jada...
“Hozir bularni kuzatamanu, kirib iftor qilaman, og'zimni ochishim bilan go'jani yeyman... Ha- ya, avval shomni o'qib olishim kerak...”
Shu asnoda xo'jayinim oshxonaga birrov kirib, bir narsa ko'tarib chiqqandek ko'rindi. E'tibor ham bermadim. Nihoyat bemorlarim ketib, bo'shagach, oshxonaga chopdim. Kirsam, suzib qo'ygan
go'jam yo'q! Mehmonxonaga kirdim, xo'jayinim oshnasi bilan hangomalashib, go'ja ichib o'tiribdilar. Yosh boladek ko'nglim buzilib ketdi...
“Mayli, nasib emas ekan-da...” dedim. Ammo, o'sha payt rosa go'ja ichgim kelgan ediki... asti qo'yavering.
Shu payt yana ko'cha eshikdan birov chaqirdi. Chiqib qarasam, sal nariroqdagi bir qo'shnim. Onalarining qon bosimlari ko'tarilib ketgan ekan, chiqib ko'rib bering, dedi. "Xo'p”, dedimu
qo'shnimnikiga yo'l oldim. Onaxonni ko'rikdan o'tkazdim, qon bosimlariyam me'yorida chiqdi.  Keyin bilsam, ularning tonometrlari buzilib qolgan ekan. Shuni aytib, bosh og'rig'i boshqa
sababdanligini aniqlab, muolajaga dorilar yozib berdim. O'rnimdan turishga hozirlangan  edimki, qo'shnim dasturxonga taklif qildi. Noiloj o'tirdim. Shu on, issiqqina bir kosa
ovqatni menga uzatishdi. Ne ko'z bilan ko'rayki, sal oldin ko'nglim juda tusab, icholmagan bir  kosa go'ja edi... Ovqatni ko'rib, bir ajablanaman, bir kulaman. Holatimdan taajjublangan
qo'shnimga bo'lib o'tgan voqealarni aytib berdim. Qo'shnim: "Subhonalloh, rizqingiz  biznikida ekan-da...", dedi. Go'jamni bismillah, deb maza qilib ichib oldim...
Ko'nglimdan milt etib o'tgan xayolni-da bilib, uni menga hozir qilish uchun qo'shnimning  tonometrini nosozligini sabab qilib, rizqim tomon meni yetaklab qo'ygan Alloh taologa
bitmas-tugamas hamdu sanolar bo'lsin. Anchadan beri chiqolmay, holidan xabar ololmay yurgan  qo'shnimni ziyorat qilib, silai rahm eshigiga chorlab qo'ygan Robbimga shukrlar bo'lsin!

Feruza Obidova,  shifokor

Янги масжидда илк жума намози адо этилди